തിരുവനന്തപുരം ജില്ലയിലെ സ്വാശ്രയ ടി ടി ഐ കളിലെ 2023-25 അധ്യയന വർഷത്തേക്ക് ഡി എൽ എഡ് പ്രവേശനത്തിനായി പി എസ് സി തയ്യാറാക്കിയ സെലക്ട് ലിസ്റ്റ് ഇതോടൊപ്പം പ്രസിദ്ധീകരിക്കുന്നു. പ്രവേശനത്തിനുള്ള ഇന്റർവ്യൂ ചുവടെ പറയുന്ന ഷെഡ്യൂൾ പ്രകാരം നടക്കുന്നതാണ്.
ഹ്യുമാനിറ്റിസ് - 25/09/2023 (തിങ്കൾ) രാവിലെ 9.30 am ന്
സയൻസ് - 26/09/2023 (ചൊവ്വ) രാവിലെ 9.30 am ന്
കോമേഴ്സ് - 29/09/2023 (വെള്ളി) രാവിലെ 9.30 am ന്
ഇന്റർവ്യൂ സ്ഥലം - ഗവ ഗേൾസ് എച്ച് എസ് എസ് ചാല
വിജ്ഞാപനത്തിൽ പറഞ്ഞിട്ടുള്ള യോഗ്യത പ്രമാണങ്ങളുടെ അസ്സൽ (Original) ലും പകർപ്പും കൂടികാഴ്ച വേളയിൽ ഹാജരാക്കണം. മെയിൻ ലിസ്റ്റും വെയിറ്റിംഗ് ലിസ്റ്റിലും ഉൾപ്പെട്ടവർ ഇന്റർവ്യൂവിന് ഹാജരാകണം. ഇന്റർവ്യൂവിന് ഹാജരാകാത്തവർക്ക് പകരം വെയിറ്റിംഗ് ലിസ്റ്റിലുള്ള തൊട്ടടുത്ത റാങ്ക് കാർക്ക് പ്രവേശനം നൽകുമെന്നതിനാൽ ഇന്റർവ്യൂവിന് വരാത്തവരുടെ അവസരം നഷ്ടമാകുന്നതാണ്..
ഇന്റർവ്യൂവിന് ഹാജരാക്കേണ്ട യോഗ്യതാ പ്രമാണങ്ങൾ:-
· വിദ്യാഭ്യാസ യോഗ്യത സർട്ടിഫിക്കറ്റുകൾ ( പ്ലസ് ടു, എസ് എസ് എൽ സി തുടങ്ങിയവ )
· അവസാനം അദ്ധ്യയനം നടത്തിയ സ്കൂൾ/കോളേജിൽ നിന്നുള്ള ട്രാൻസ്ഫർ സർട്ടിഫിക്കറ്റ് ( ടി സി )
· ജനനതീയതി, ജാതി-മതം എന്നിവ തെളിയിക്കുന്ന സർട്ടിഫിക്കറ്റുകൾ
· ഫോറം നമ്പർ 42-ലുള്ള മെഡിക്കൽ സർട്ടിഫിക്കറ്റ് ( അസിസ്റ്റന്റ് സർജൻ റാങ്കിൽ കുറയാത്തവരിൽ നിന്നും)
· സ്വഭാവ സർട്ടിഫിക്കറ്റ് ( ആറുമാസത്തിനുള്ളിൽ ലഭിച്ചത്)
· മറ്റ് സംസ്ഥാനങ്ങളിൽ നിന്നാണ് പ്ലസ് ടു വിജയിച്ചതെങ്കിൽ നേറ്റിവിറ്റി സർട്ടിഫിക്കറ്റ്
· നോൺ ക്രീമിലെയർ സർട്ടിഫിക്കറ്റ് ( ഒ.ബി.സി വിഭാഗം)
· അധിക യോഗ്യതയ്ക്കും , പ്രത്യേക സീറ്റിനും വിജ്ഞാപന പ്രകാരം ആവശ്യപ്പെട്ടിട്ടുള്ള സർട്ടിഫിക്കറ്റുകൾ ( എക്സ് സർവ്വീസ് മെൻ, ജവാൻ എന്നിവരുടെ ആശ്രിതർ, ഇ.ഡബ്ല്യൂ.എസ്, ഭിന്നശേഷിക്കാർ എന്നിവർ അസ്സൽ സർട്ടിഫിക്കറ്റ് ഹാജരാക്കണം)
പി എസ് സി തയ്യാറാക്കിയ സെലക്ട് ലിസ്റ്റിലെ ക്രമമനുസരിച്ചാണ് സെന്ററുകൾ ( ടിടിഐ) അനുവദിക്കുന്നത്. ആയതിനാൽ ആദ്യ റാങ്കുകളിൽ പെടാത്തവർ ഓപ്ഷൻ നൽകുന്ന സെന്റർ ഏതെന്ന് മനസ്സിലാക്കി കൂടിക്കാഴ്ചയിൽ പങ്കെടുക്കേണ്ടതാണ്.
